उमरेड - कऱ्हांडला वन्यजीव अभयारण्य, नागपूर

#VidarbhaDarshan - उमरेड, कऱ्हांडला वन्यजीव अभयारण्य, नागपूर

निसर्गाप्रेमी आणि पर्यटकांसाठी हे नवीन अभयारण्य खुले करण्यात आले आहे. ह्याच जंगलात आशिया खंडातील सर्वात मोठा "जय टायगर" होता जो अचानक एप्रिल 2016 पासून बेपत्ता झाला आहे !

पवनी तालुक्यात पर्यटनक्षेत्रात झपाट्याने वाढ होत आहे. विदर्भातील सर्वात मोठे गोसीखुर्द धरण, पवनीचा ऐतिहासीक किल्ला, रुयाळ येथील आंरराष्ट्रीय स्थळाचे महासमाधी, महास्तूप, विदर्भातील अष्टविनायकांपैकी एक पंचमुखी श्रीगणेश मंदीर, धरणीधर गणेश मंदीर आदी पर्यटन स्थळांचा समावेश आहे. अभयारण्य पर्यटकांसाठी खुले करण्यात आल्यामुळे पर्यटकांची संख्या दिवसागणिक वाढत आहे.

पर्यटनात वाढ गोसेबुज : उमरेड-कर्‍हांडला अभयारण्यांतर्गत येणार्‍या पवनी वन्यजीव अभयारण्यात करण्यात आलेल्या वन्यप्राण्यांच्या गणनेत ४४४ वन्यप्राण्यांची नोंद करण्यात आली. या गणनेत ४0 वनकर्मचारी व पाच अशासकीय सदस्यांचा समावेश होता.
या अभयारण्याची शान ठरलेल्या जय नामक वाघाची व वाघीनीची नोंद उमरेडजवळ करण्यात आली. तालुक्यात झपाट्याने वाढत असलेल्या पर्यटन क्षेत्रामुळे या अभयारण्यातही मोठय़ा संख्येने पर्यटक भेटी देत आहेत.
पवनी वन्यजीव अभयारण्याला २0१३ मध्ये केंद्रीय पर्यावरण मंत्रालयाची मंजूर मिळाल्यानंतर जागतिक वनदिनी २१ एप्रिल रोजी अभयारण्य पर्यटकांसाठी खुले करण्यात आले. त्यासाठी सुविधा निर्माण करण्यात आल्या आहेत. जंगलातील रस्ते, कृत्रीम पानवठे व हँडपंप तयार करण्यात आले आहे. प्रशिक्षित गाईडची नियुक्ती करण्यात आली आहे.
अभयारण्यात घनदाट जंगल असून क्षेत्र विस्तीर्ण असल्यामुळे या क्षेत्रात वाघ, बिबट व अन्य वन्यप्राण्यांचा संचार असतो. ५0 चौरस कि.मी. क्षेत्रातील जंगलात वन्यप्राणी गणना करण्यात आली. या करीता २0 पानवठय़ावर मचान उभारण्यात आले होते. या गणनेत दोन अस्वल, ४0 गव्हे, ४७ चितळ, ६२ सांभर, ४१ भेकळ, ५५ निलगाय, ८४ रानडुक्कर, एक सायाळ, तीन ससे, एक मुंगूस, ७८ माकड, एक घोरपड व २९ मोर असे एकूण ४४ वन्यप्राणी आढळून आले.